عازف الاورج الشرقى
اهلا ومرحبا بكل الزوار واعضاء منتدى عازف الاورج الشرقى سجل لدينا وستجد كل ماهو جديد


شبكة منتديات عازف الاورج الشرقى
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
مرحبا بجميع الاعضاء الجدد فى هذا المنتدى الكبير وانشاء الله يحوز اعجابكم
اهلا ومرحبا بكم فى شبكة ومنتديات عازف الاورج الشرقى يشرفنا تسجيلك معنا

شاطر | 
 

 ((الشخصية المتسلقة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عازف الاورج الشرقى
Admin
avatar

عدد المساهمات : 448
تاريخ التسجيل : 15/04/2011

مُساهمةموضوع: ((الشخصية المتسلقة   الثلاثاء أبريل 19, 2011 11:00 am

مساء الخير جميعا

احنا انهاردة هنتكلم عن مشكلة كببيرة جدا قايم عليها المجتمع وناس كتيرة جدا فى كل المجالات
بل هى سبب اكبر نسبة من مشاكل وفساد المجتمع

لان المشكلة التى اتحدث عنها هى شاملة كل شىء...بل اننا لا نأخذ بالنا منها




المشكلة دى اسمها ((الشخصية المتسلقة))
الشخصية...يعنى حاجة موجودة فى اى انسان...لان كل انسان ليه شخصية
المتسلقة دى اللى هنتكلم عنها واللى هى موجودة فى نسبة كبيرة من الناس وليس جميعهم


مع العلم انا لست دكتورا نفسيا او خبيرا فى الامراض النفسية

الشخصية المتسلقة هى الانسان اللى مش واثق من نفسه انه يقدر يعمل حاجة..فبيتعرف على ناس ويعمل معاهم اى حوار عشان يعمل علاقة ..وبيه يعوض نقصه ويحس انه انسان وواصل وزى بقيه الناس....ويحاول على اد ما يقدر يعرف الناس هو وصل لغاية ايه ويقدر يعمل ايه...كل دة عشان المصلحة عشان يتسلق ويوصل على حساب الناس اللى اعلى منه

انا هدى امثلة كبيرة لبيان للكشف عن هذه الشخصية وعيوبها
الموضوع دة ممكن نلاقيه فين؟





ممكن مثلا نلاقيه فى مدرس اشتغل فى مدرسة وحاسس انه قليل او ولا حاجة والناس مش بتحترمه
يقوم يدى دروس لابن المدير....من وقت للتانى يجيبله هدية...يوقفه فى الطرقة ويدش معاه فى اى حوار ويدحك دحكة صفراء وكل حاجة

بحيث فى الاخر يعمل معاه علاقة صداقة عشان تعليه...وتخليه حاجة...والناس تحترمه بالعافية






او اقرب مثال هو الحزب الوطنى ...كل بيعمل كارنيه الحزب....ثم يفضل يسقف على اى كلمة...ويفضل يقول ((فعلا عندكم حق...انتم صح..هيييييييييه))
وبعد كدة يضمنله مثلا وظيفة...ومصايف ومميزات حلوة....ولما يكلم حد يقوله انا عضو فى الحزب ...ويفضل يقول انا انهاردة شفت فلان واتعرفت على مش عارف مين....

ويعوض احساسه بالنقص والضياع اللى هو بيحس بيهم رغم انهم ممكن ميكونوش جواه اصلا...لكن دى طبيعة النفس البشرية






او مثلا البنات اللى ممكن تتعرف على شخصية كبيرة وتدى تنازلات كتيرة فى سبيل انها توصل...او تشتغل فى شركة كبير





ومثال تانى كلنا بنشوفه مثلا على النت او فى المنتديات
لما تلاقى مثلا عضو جديد اشترك فى منتدى...برضه بيحس مثلا ان عنده عقدة نقص وانه لا شىء ومش بيعرف يقول لا فى حاجة ولا حتى عنده القدرة على مناقشة عضو لانه بيخاف حد يرد عليه رد لا يليق بشخصيته المستقبلية
يقوم ينتهج نهج التسلق عن طريق التقرب للمشرفين والاداريين كى يعوض نقسه وعدم قدرته على الوصل لشىء بالمجهود ولكن فقط بالتسلق والنفاق
واى مشرف يعمل حاجة...يدخل ويقوله الله ينور..فعلا انت صح..ثم اضافتهم هم فقط فى قائمة الصداقة بحيث يصبح اصدقائه فقط هم الاداريين والمشرفين ولا تجد اى عضو فى قائمة صداقته ابدا لانه لن يكون له قيمة
وينفعه كتير لو مثلا عضو دايقه..على طول من وراء الستار يكلم اصدقائة يتصرفوا من بعيد لبعيد من غير ما يجيبوا سيرته...ولكن لا يكون عنده الجرئه ابدا لاثبات نفسه او شخصيته ابدا او حتى القدرة على الرد...لانه ساعتها يظهر على حقيقته
مثل الصهاينة...يضربوك من الطائر بصاروخ ويختبئوا....ولا يمكن ان يواجهوك على الارض







نوذج تانى الموظف الذى يبدأ عمله فى مكان معين فيطلق اذانه لفلان وعلان ويعرف اخر الاخبار...ويذهب متخفيا لمديره ويخبره بان فلان عمل كذا...وفلان قال عليك كذا
كل هذا طمعا فى الوصول والترقية او بعلاقة تكون له مع المدير تعوض نقص شخصيته فى مستحيلية الوصول لاى هدف فى الحياة بدون التسلق



كلام كتير فى الشخصية المتسلقة كله بيشوفها بعينه يوميا







لكن....دة على كلامى كدة يبقا كل الناس متسلقين....بما فيهم انا

لا....فى ناس معندهاش المرض دة وهى نسبة قليلة اة لكن موجودة
فى ناس اخلاقها لا تسمح لها بان تكون شخصيه متسلقة
فى ناس اخلاقها لا تسمح لها بالتودد والمسكنة لمدير مدرسة مثلا حتى يرضى عنه ويرقيه
فى ناس مش منتظرة حزب او منظمة عشان تتسلق وتحس ان دة هو الامان والهيبة لما نتعرف على الاكبر مننا
فى ناس متعرفش تسكت على الحق ولا بتجامل مشرفين ولا تتزل لهم للمصلحة او للتقرب
فى ناس مش عشان وظيفة يقوموا يتنازلوا عن حاجة فى حياتهم او مبادئهم عشان يوصلوا لاى شىء
فى ناس لا يمكن تتصنط على زمايلها وتنقل الكلام عشان تعلى على حساب زمايلها وفى سبيل التقرب لمديرهم


لسة فى ناس عندها الشجاعة والاخلاق والمبادىء والشخصية القوية بدون الاحتماء وراء الكبار للحماية او الترقية

الشخصية المتسلقة نفسى يجى اليوم وتنتهى فيه لان بسببها حال البلد باظ
لكن كفاية ان الانسان المتسلق يشوف نظرة الناس ليه...اعتقد دة اكبر عقاب ليه ممكن يشوفه وهو منظره المهين والمسكين فى المجتمع




كل اللى اتمناه ان الانسان يبقى على طبيعته وميتنازلش عن مبادئه فى سبيل الوصول على اكتاف شخص على حساب اناس اخرين لان هذا هو قمة الانحطاط الاخلاقى فى المجتمع



والسلام عليكم ورحمة الله وبركاته




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://azef.yoo7.com
 
((الشخصية المتسلقة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عازف الاورج الشرقى :: المنتدى العام :: قسم العلوم النفسيه-
انتقل الى: