عازف الاورج الشرقى
Admin
عدد المساهمات : 448
تاريخ التسجيل : 15/04/2011
 |  موضوع: يوميات واحد مهيس قوى  الجمعة أبريل 15, 2011 7:54 pm | |
| يدخل ابو طارق الى غرفة ابنه طارق علشان يصحيه علشان يروح الجامعة ويقوم بالتخبيط عليه بشويش (انتوا عارفين رقة الابهات مش لازم نتكلم )
الاب : طارق ... طارق ... قم يابنى فيفتح طارق عين واحدة ويبص لابوه باستغراب
طارق : ايه يابابا في ايه عالصبح
الاب :قوم ياحبيبى علشان تلحق تروح الكلية
طارق :يابابا كلية ايه بس اللى بتصحينى عشانها وش الفجر
الاب : وش الفجر ايه بس ... يابنى الساعة دلوقتى داخلة على عشرة
قوم يا حبيبى علشان تلحق محاضراتك
طارق : يابابا نفض
الاب : اعمل ايه ؟!
طارق : يعنى كبر يابابا
الاب : الله اكبر
طارق : لا يابابا انا مش قصدى ... اقصد كبر دماغك وفكك منى
الاب :يابنى قوم ماتتعبنيش ... انت مش عندك محاضرات مهمة النهاردة
طروق : يابابا مهمة ايه بس ده كله فالكلتشة
الاب : بتعجب ... يعنى كلتشة يابنى
بقولك اصحى علشان المحاضرات
طارق : يابابا فكك من كلام الستينات ده ... انا مش قادر افك رموز وشى
الاب : يابنى قوم ... اخوك بيقول ان النهاردة المحاضرات مهمة
الباشا : يابابا سيبك منه ... انت عارف الواد اخويا ده ... ده بيهيس
الاب : يعنى ايه ... يعنى كلامه صح ولا غلط ؟
طارق : يابابا ابنك ده دماغه مخرومة وعمالة تنقط ... ماتسمعلوش ولما يكلمك اقفل ودانك .. اصل الودان فى الزمن ده غالية يابابا ... مابقاش فى قطع غيار للودان اليومين دول
الاب : يابنى انت بتتكلم كدة ليه ؟
طروق : يعنى بكلمك بالسيم يعنى ... بص يابابا عشان خاطر ربنا ... سبنى انام كمان خمس ست ساعات كدة عشان اقوم فايق ... انا كنت سهران طووووووول الليل امبارح سيبنى أأنتخ وازبط شوية
الاب : تأنتخ .... الله يجازيك يابنى مش فاهم منك ولا كلمة ولا انت ولا اخوك
الباشا : واللهى يابابا انا مأفور خالص ... سيبنى بقى الله يخليك
الاب : يابنى كلمنى زى مابيكلمك انت بتقول ايه ؟
طارق : يعنى يابا عشان انت صاحى بدرى لازم تصحينى انا كمان بدرى
الاب : مصلحتك ... يابنى بقالك سنتين فى سنة تانية
صاحبنا : ظلم يابابا ... الدكاترة بتوع الكلية حطينى فدماغهم ..لحد ماعفنت
الاب : (بدأ يضايق ) طيب قوم يامعفن ... خدلك دوش وافطر وروح الكلية
طارق : يابابا .. اقفل النور ... وخد الباب وراك ,,, واما اصحى نبقى نتناقش فى موضوع الدش ده
الاب : (بصوت مرتفع ) انت هتقوم ولا اقومك بالجذمة
طروق : (يجلس على السرير ) يافتاح ياعليم عالصبح ... الواحد لسة معملش استمورنج وبيتهزأ عالصبح
يخرج الاب ويدخل اخوه وائل وينظر اليه
طارق : لازم تديها جاز عالصبح .. شعللتها ... ماشى
وائل : هو اللى يسألنى
طارق : قوله معرفش ... قوله ماعندوش زفت محاضرات
وائل : اكذب يعنى ؟
طارق : (ضحك بسخرية ) انت مابتكدبش ...تحب أقوله انك ساقط ...ومانجحتش زى ماقلتله ... وبتعيد السنة
وائل : لا يا طروق ياحبيبى أوعى
طارق : طيب ياحلو ... روح هاتلى سجارة من علبة أبوك ... اعمل بيها دماغى الصباحية
وائل : (يخرج سجارتين من جيبه ) خد اتنين اهم ...بس انجز قبل ما يجى تانى
طارق : طيب يا اتم اختفى من قدامى دلوقت
يخرج وائل ويبدأ طارق فى تدخين احدى السجائر وهو مازال عالسرير ويأخد التليفون من على الكومدينو ويتصل بأحد زملائه
طارق : ألو ... أيوة ياهيما .. انت لسة متكحول ياض ... قوم خليك نشيط
ابراهيم : يابنى فى حد بيتصل بحد دلوقتى مفيش ذوق ... الساعة لسة عشرة ونص
طارق : فوق بقى ياض ... ايه النظام ... الحياة اخبارها ايه النهاردة
ابراهيم : زى امبارح ... نروح المول ,,, وندخل الكافيه شوب ... نشربلنا كام ستون
بعدين نلف نعاكس الموزز
هيما : هتعمل ايه دلوقت ؟
طارق : انا هخلع من البيت دلوقتى عشان ابويا عاملى فيها ابو الغضب ... ولو فضلت فالبيت هيعملى فيها بروسلى ويضربنى
قفل مع هيما ويدخل وائل
وائل : اوعى ياطارق تقول لابوك اصل يرحلنى
طارق : (ينظر اليه بتكبر ) خليك حلو معايا احسنلك ... احسن لسانى بياكلنى ... والندالة بتنقح عليا
وائل : اوعى ياطارق
طارق : طيب روح هاتلى الجيل بتاعك .. اصل بتاعى بياكل فدماغى زى مية النار
وائل : احنا هنبدأ استغلال ولا ايه
طروق : خلص ياعم الامور روح هاتلى الجيل .... انجز
وائل : ياطارق ... ماانت عندك ازازة لسة مافتحتهاش
طارق : ياد روح هاتها ماتبقاش ايحة ... وبعدين انت لابس فانلة فالبرد ده ... عاملى فيها هركليز
وائل ( يصرخ وهو يجرى يانهار اسود دى المكوة عالقميص
يأخذ طارق نفسا من السجارة وقبل ان يخرجه يدخل والده
الوالد : انت لسة نايم ؟
طارق : مايردش حتى لايخرج الدخان من فمه فيراه ابوه ويخفى السيجارة تحت البطانية
الوالد : يعنى مش عايز تجيبها لبر .. آدى اخرة دلع امك ليك .. هى اللى فسدتك
لو ماقمتش ورحت كليتك هكسر دماغك
طارق : احمر وجهه وانتفخ وجهه وينظر الى والده
الاب : انت بتبص كدة ليه ... يااد انت .. جتك البلا فى منظرك
ويخرج الاب
ويدخل وائل
وائل : مالك يلا انت هتموت ولا ايه
طارق : وهو مش قادر يتكلم
روح هاتلى كوباية مية ... ابوك كان هيموتنى
ياخسارتك ياطارق
| |
|
